ისტორიული ნახევარფინალი ორბისთვის. ტყიბულის გუნდმა ზესტაფონში სერიის მე-5 მატჩი მოიგო
სუპერლიგის მეოთხედფინალური სერია ნამდვილი კულმინაციით დასრულდა. ზესტაფონში გამართული მეხუთე, გადამწყვეტი შეხვედრა ტყიბულის „ორბის“ ტრიუმფით დაგვირგვინდა — სტუმრებმა 79:72 (სტატისტიკა) დაამარცხეს „მარგვეთი“ და თავისი არსებობის ისტორიაში პირველად მოიპოვეს ნახევარფინალის საგზური. ეს გამარჯვება კიდევ უფრო ფასეულია იმ ფონზე, რომ სერიის ბედი ბოლო წუთებამდე ბეწვზე ეკიდა. მატჩი პირველივე წამებიდანვე წარმოუდგენელი დაძაბულობით დაიწყო. სასტარტო მეოთხედში გუნდები ერთმანეთს არაფერს უთმობდნენ, რაც ტაბლოზეც აისახა — 25:25. მეორე პერიოდში „ორბმა“ მცირე…